भांगरभूंय | प्रतिनिधी
दिवचल: नार्व्यां बेकायदो चलोवपी चिऱ्या खणीचेर खण आनी भूगर्भ खात्याच्या अधिकाऱ्यांनी धाड घालून व्हड प्रमाणांत मशिनरी आनी हेर साहित्य जप्त केलें.
ह्या प्रकरणांत पुलिसांच्या सहकार्यान ही कारवाय केली आनी गुन्यांवूय दाखल करपाचे आसात अशी म्हायती मेळ्ळ्या.
हे विशीं दिवचल पुलीस गोपांनी ह्या प्रकरणाची चवकशी सुरू आशिल्ल्याचें सांगलें.
नार्व्यां देवगिरी वाठारांत चिऱ्या खणींत बेकायदो चिरे काडपाच्या प्रकरणांत ही कारवाय केल्या. अजून कोणाकूच अटक जावंक नासली तरी चवकशी सुरू आसा.
हे विशीं खण खात्या कडेन कागाळी आयले उपरांत बिरेस्तारा सांजवेळा तशेंच शुक्रारा सकाळीं ह्या व्हड खणीचेर धाड घाली.
चिरे काडपा खातीर वापरपी यंत्र 14 मशीन धा जनरेटर आनी हेर साहित्य जप्त केलां.
ह्या प्रकरणांत सर्वे नंबर आनी हेर प्रकरण तपासतात. रोखडीच फुडली कारवाय करतले अशी म्हायती पुलीस गोपांनी दिली.
नितीन आतोस्कार, प्रशांत सावंत आनी दिवचल पुलिसांच्या वांगड्यांनी ही कारवाय केली. ह्या प्रकरणांत अदीक तपास सुरू आशिल्ल्याचें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
