भांगरभूंय | प्रतिनिधी
पणजीः फाटलीं पांच दशकां रंगमाची गाजोवपी बांदोडे- फोंडेचे नामनेचे अभिनेते, दिग्दर्शक अजित केरकार (74) संवसाराक अंतरले.
केरकार हे गोंयच्या नाट्य आनी सांस्कृतीक मळांतले एक नामनेचे व्यक्ती आशिल्ले. तांच्या दशकांभर सादरीकरण कलेंतल्या योगदानाक लागून आनी राज्यभरांतल्या सांस्कृतीक कार्यावळींक चालना दिवपाक केल्ल्या सक्रीय वावराक लागून तांणी सगळे कडेन मान मेळयलो.
फोंडेंच्या कला मंदिराचे ते आदले उपाध्यक्ष आशिल्ले. गोंयांतल्या रंगमाचयेची पोसवण आनी कला उपक्रमांक आदार दिवपाक तांचो म्हत्वाचो वांटो आशिल्लो.
संवादफेकी खातीर ते प्रसिद्ध आशिल्ले. एवंम इंद्रजीत, पिपळ पेटला, दो रे मि फा, भायर थिकां भितर दुकां, सुरींग, पुलीस पुलीस मार पिल्लुक, सुर्यास्त, धर्मश्री हीं तांचीं कांय गाजिल्लीं कोंकणी, मराठी नाटकां आसात.
तांकां अभिनया खातीर बरींच इनामां फावो जाल्यांत. तांच्या मरणाक लागून गोंयच्या सांस्कृतीक मळार व्हड लुकसाण जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
