भांगरभूंय | प्रतिनिधी
भांगरभूंय । खबरां मेज
पणजीः ज्येश्ठ गोंयकार नाट्यकर्मी मोहनदास सुखटणकार (93) हांका तांच्या मुंबयच्या घऱांत मरण आयलें. गोवा हिंदू असोसिएशनाच्या नाटकांतल्यान तांणी अभिनय केलो.
‘रायगडाला जेव्हा जाग येते, लेकुरे उदंड झाली, अखेरचा सवाल, दुर्गा, स्पर्श, आभाळाचे रंग आनी मस्त्यगंधा या नाटकांत तांणी काम केल्लें. ‘कैवारी’, ‘जावई माझा भला’, ‘चांदणे शिंपीत जा’, ‘थोरली जाऊ’, ‘वाट पाहते पुनवेची’, ‘जन्मदाता’, ‘पोरका’, ‘प्रेमांकुर’, ‘निवडुंग’ ह्या मराठी सिनेमांत लेगीत तांणी काम केल्लें.
मोहनदास हांचो जल्म 21 नोव्हेंबर 1930 दिसा जाल्लो. तांचो बापूय श्रीपाद सुखटणकार गोंयांतले नामनेचे दोतोर आशिल्ले. म्हापशेंच्या सारस्वत विद्यालयांत दुसरे यत्तेंत आसतना तांणी ‘खोडकर बंडू’. हे नाटकुल्यांत काम केल्ले. ह्या नाटकुल्याक लागून तांका अभिनयाची गोडी लागली. पन्नास परस चड वर्सां नाट्य मळाची सेवा केल्ले खातीर आम्ही गोवेकर हे संस्थेन तांका जिणे गौरव पुरस्कार भेटोवन तांचो भोवमान केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.