भांगरभूंय | प्रतिनिधी
शक्तीपीठ महामार्गा खातीर जमीन संपादन सुरू
धाराशीव, खबरांसंस्था: राज्यांतलो सगळ्यांत लांब स लेनींचो शक्तिपीठ महामार्ग म्हळ्यार नागपूर ते गोंय मार्गा खातीर शासनान अधिसुचवणी प्रसिद्ध केल्या. जमीन संपादनाचीय प्रक्रिया सुरू जाल्या. राज्यांतल्या १२ जिल्ह्यांतल्यान हो महामार्ग वतलो. ३ शक्तिपीठां, २ ज्योतिर्लिंग आनी खुबश्या नामनेच्या धर्मीक थळांक हो महामार्ग जोडून वतलो. सध्या नागपूर ते गोंय ह्या प्रवासा खातीर १८ वरां लागतात, आतां ८ वरां लागतलीं. २०२५ त भुमिपूजन, जाल्यार २०३० त येरादारी खातीर हो मार्ग उक्तो करपाचें नियोजन आशिल्ल्याची म्हायती एमएसआरडीसीचे वेवस्थापकीय संचालक अनिलकुमार गायकवाड हांणी दिली.
ह्या म्हामार्गा खातीर ८ हजार हेक्टर जमिनीचें संपादन करतले. हाची प्रक्रियाय कांय देशांनी सुरू जाल्या.
३ शक्तिपीठां आनी २ ज्योतिर्लिंगांचोय आसपाव
कोल्हापूरची महालक्ष्मी देवी, तुळजापुरची तुळजाभवानी, नांदेड हांगची माहूरची रेणुकामाता हीं तीन शक्तिपीठां ह्या महामार्गा वयल्यान वतना वाटेक मेळटलीं. तशेंच औंढा नागनाथ, परळी वैजनाथ हीं २ ज्योतिर्लिंगां आनी पंढरपूरचें श्री विठ्ठल-रुक्मिणी, नांदेडचें गुरू गोविंदसिंग महाराज हांचो गुरुद्वारा ह्या महामार्गात वतना मेळटलो.
महामार्ग कितल्या आनी खंयच्या जिल्ह्यांतल्यान वतलो?
राज्यांतल्या वर्धा, यवतमाळ, हिंगोली, नांदेड, परभणी, बीड, लातूर, धाराशिव, सोलापूर, सांगली, कोल्हापूर, सिंधुदुर्ग ह्या १२ जिल्ह्यांतल्यान वतलो.
हो महामार्ग खंयच्या जिल्ह्यांतल्यान कितलो किलोमीटर वतलो?
राज्यांतल्या वर्धा – ३६ किमी, यवतमाळ १२९ किमी, हिंगोली ३४ किमी, नांदेड २६ किमी, परभणी ७१, बीड ४६, लातूर ४१, धाराशिव ४३, सोलापूर १५६, सांगली ५७, कोल्हापूर १२३ किमी आनी सिंधुदुर्ग ३९ किमी ह्या १२ जिल्ह्यांतल्यान वतलो.
हो महामार्ग कसो आसतलो?
हाी महामार्ग सहापदरी आसतलो. ताचेर ४७ मोठे पूल, ३० बोगदे, ८ रेल्वे क्रॉसिंग, २६ सुवातांचेर इंटरचेंजेस आसतले.
ह्या महामार्गाचे येवजणेक सरकारान मान्यताय दिल्या?
राज्य सरकारान हालींच नागपूर-गोंय शक्तिपीठ म्हामार्गाच्या आराखड्याक मान्यताय दिल्या.
ह्या म्हामार्गा खातीर कितले हॅक्टर जमीन मेळटली?
८ हजार हॅक्टर जमीन मेळयतले. ताका सुमार ८६ हजार कोटी रुपया खर्च येतलो.
येरादारी खातीर केन्ना उगडटलो?
२०२५त ह्या महामार्गाचें भुमिपूजन जातलें. उपरांत सुमार पांच वर्सांनी काम पुराय जातलें आनी २०३० मेरेन हो महामार्ग उक्तो जातलो.
हो महामार्ग राज्यांतलो सगळ्यांत चड लांब आसा?
हय सुरत-चेन्नय, समृद्धी महामार्गा उपरांत ८०२ किमीचो नागपूर-गोंय म्हळ्यार शक्तिपीठ महामार्ग हो राज्यांतलो सगळ्यांत चड लांबायेचो महामार्ग आसतलो. समृद्धी ७०१ किमीचो, सुरत-चेन्नय पांच जिल्ह्यांतल्यान वता, जाल्यार नागपूर-गोंय हो महामार्ग राज्याच्या ४ विभागांतल्यान वतलो. समृद्धी महामार्ग ७०१, जाल्यार नागपूर ते गोंय हो महामार्ग ८०२ किमी लांबायेचो ग्रीनफील्ड जावन आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
