भांगरभूंय | प्रतिनिधी
भांगरभूंय । प्रतिनिधी
वास्कोः राष्ट्रीय म्हामार्गांनी गोंयचे गांव आनी शारांची नांवा कश्यकशीं बरयल्ले दरवटे आनी सूचोवणी तकट्यां वयलीं नांवा सारकीं करपाचें काम राष्ट्रीय म्हामार्ग प्राधिकरणान हातांत घेतलां. लोकांच्यो कागाळी येवपाक लागल्ल्यान तांकां हें काम सुरू करचें पडलां. कांय कडलीं नांवां सारकीं केल्यात मात पोरण्या नांव तकट्या वयल्या नांवांतल्यो चुको तश्योच आशिल्ल्यान पर्यटकांचो गोंदोळ जाता. ताका लागून ह्या तकटट्यांचे सुवातेर नवे तकटे लावपाची गरज उप्रासल्या.
राष्ट्रीय म्हामार्ग प्राधिकरणात रस्त्या कुशीक दरवटे आनी सूचोवणी तकटे लायनता गांवांच्या नांवां विशीं बऱ्योच चुको केल्यात. ताका लागून गांवचे मूळ नांव बदलपाचें काम प्राधिकरणान केलां. नावांतल्या अपभ्रशांक लागून नावांनी विनोद तयार जाल्यात. मात आतां तांणी चूक सुदारपाचें काम केल्ल्यान गोंयकार खोस उक्तायतात.
दाबोळी झुवारीनगर मार्गान नवे दरवटे उबारतना प्राधिकरणान मडगांवस फोडें, पणजी अशी नांवां हिंदी आनी इंग्लिशींत सारकीं बरयल्यांत मात शुद्ध लेखनांतल्या चुको जावपाक दिवपाक जायना. दाबोळी- बोगमोळो चौकांत आशिल्ल्या दरवट्याचेर विचित्र तरेन बरयल्लीं नांवां आसात. बोगमाळोचें बोग्मलो, वेर्णा इंड्रस्ट्रियल इन्सेटचें वर्ना इंडस्ट्रियल इस्टेट अशें बरयल्लें पळोवन कपलार हात मारचो पडटा. जी नांवां सारकी बरयल्लीं नात ते बेगीन सारकीं करची अशी मागणा जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
