भांगरभूंय | प्रतिनिधी
पांचशें वयर शोरुमांनी विक्री सुरू
भांगरभूंय । खबरा मेज
पणजी : संवसारांतली सगळ्यांत मोलादीक दुचाकी आनी तिचाकी तयार करपी बजाज ऑटो लिमिटेड कंपनीन परवडपी चेतक 2901 गाडी बाजारांत हाडून आपल्या लोकप्रिय इलेक्ट्रीक स्कुटर विभागाचो विस्तार करपाची घोशणा हालींच केली.
चेतका कडेन धातूची घटमूट बांदावळ आनी प्रगत तंत्रीक खाशेलपणां अशे वेगवेगळे फायदे आसात. बजाज ऑटो आतां आपल्या इलेक्ट्रीक चेतक स्कुटरांच्या श्रेणींत प्रवेश करता, जाका लागून आयसीई वाहन आनी इलेक्ट्रीक वाहन चलोवप्यां खातीर ही एक आकर्शक ऑफर थारल्या. हे गाडयेचें मोल 95 998 रुपयां पसून सुरू जाता.
नवी चेतक 2901 ही परवडपी इलेक्ट्रीक स्कुटर आसून तिची रेंज 123 किलोमीटर (एआरएआय प्रमाणीत) आसा जी दिसपट्ट्या येरादारी खातीर एकदम योग्य आसा. ती तीन रंगांनी येता. तांबडो, धवो, काळो, हळडुवो आनी निळो. चेतक 2901 रंगीत डिजिटल कंसोल, अॅलॉय व्हील्स, आनी ब्लूटूथ कनेक्टिव्हिटी सारकिल्या अतिरिक्त वैशिश्ट्यांनी सज्ज आसा. हिल होल्ड, रिव्हर्स, स्पोर्ट आनी इकोनॉमी मोड, कॉल आनी म्युझिक कंट्रोल, फॉलो मी होम लायटी आनी ब्लूटूथ अॅप जोडणी अशीं खाशेलपणांय आसात.
ऍड-ऑन ऍप्लिकेशन जोडणी, कॉल वेवस्थापन, संगीत नियंत्रण, सुरक्षा खातीर जिओ-फेन्सिंग, आनी रायड मोडांत प्रवेश सारकिल्ल्यो अदभूत कार्यक्षमताय हे दुचाकेंत आसात.
बजाज ऑटोच्या ताज्या ऑफरी विशीं सांगतना बजाज ऑटो लिमिटेडाचे अर्बनायटचे अध्यक्ष एरिक वास हांणी सांगलें, “चेतक 2901 ची डिलरशीप सुरू जाल्ल्याची घोशणा करपाक आमकां खोस जाता. दुचाकेची किरकोळ विक्री कालच्यान (ता. 15) सुरू जाल्या. चेतक आतां 500+ शोरूमांनी विक्रेक आसा. बजाज कंपनींनी 79 देशांनी आतां मेरेन 2 कोटीं वयर दुचाकी विकल्यात. www.chetak.com चेर भेट दिवन उत्पादनाची म्हायती आनी दर तपासूंक शकतात. बुकिंगूय करूं शकतात, अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
