भांगरभूंय | प्रतिनिधी
खबरां संस्था
चेन्नयः भारताचो आदलो कॅप्टन महेंद्र सिंग धोनी आयपीएलाच्या अंदूच्या सिझनात लेगीत चैन्नय सुपर किंग्साचो कॅप्टन आसतलो. आयपीएल फ्रेचायजीन 2024 खातीर आपले रिटेन आनी रिलीज्ज खेळगड्यांची वेळेरी जाहीर केल्या. आयतार ही वळेरी दाखल करपाची निमणी तारीख आशिल्ली.
ह्या सिझना खातीर दोन व्हडली ट्रेडिंग जाल्यांत. तातूंत रॉयल चलेंजर्स बंगळुरून (आरसीबी) शाहबजा अहमदाक रॉजस्थान रॉयल्स वांगडा मयांक डागरक चेंज केलां. लखनौ सुपर जायटांनी आवेश खानान देवदत्त पड्डीकला वांगडा बदल्लां. बॅन स्टोक्स आनी जो रूट ह्या सिझनांत खेळचे नात. शार्दुल ठाकूर आनी जो रूट सारक्या खेळगड्यांक रिलीज केल्यात. 19 डिसेंबराक जावपी पावणेत तांकां देवचें पडटलें.
कोलकाता नायक रायर्डान सगल्यांत चड 12 खेळगड्यांक रिलीज केल्या. पंजाब किंग्सान 5 खेळगड्यांक रिलीज केल्यात. मिनी पावणेत पंगडांक 5 कोटी रुपये वाडोवन 100 कोटी केल्यात. खेळगड्यांक विकते घेवपाची तांक रिटेन्शन विंडोन निश्चीत करतले. खंयचोड पंगड 10 कोटी रुपया मोलाचो खेळगडो रिलीज करता जाल्यार पावणेत 15 कोटी ( 10 कोटी अधीक 5 कोटी अतिरिक्त पर्स) खरेदी करपाक शकतलो. चैन्नय सुपर किंग्सान बॅन स्टोक्स, अंबाती रायडू, डेवोन प्रिटोरियस, कायल जस्मीन आनी सिसांडा मगालाक रिलीज केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
