भांगरभूंय | प्रतिनिधी
भांगरभूंय । खेळां बातमीदार
पणजीः फॉरवर्ड अॅनीच्या पयल्या हाफांतले हॅटट्रीकेक लागून धेंपो एससी क्रूझान ड्रीम स्पोर्ट्स चॅम्पियनशीप गोंय विभागीय फेरयेंत एमबीबीएस स्पोर्ट्स अॅण्ड कल्चरल क्लबाचेर 14 गोलांनी जैत मेळयलें. ही मॅच नावेलीच्या रोझरी कॉलेज मैदानाचेर जाली. अॅनीन वट्ट पांच गोल मारले, जाल्यार ताच्या हेर सांगात्यांनी 8 गोल मारले. धेंपो एससीचो मुखेली नॅश फर्नांडीस हाणें 13 व्या मिण्टाक गोल मारून सुरवात केली. ते उपरांत अॅनीन 20, 28, 40, 58 आनी 59 व्या मिण्टाक गोल मारले. तन्मय कुमार, कृतीक गायकवाड, केडेन मॅन्सले फालेरो, अशोन वाझ, मोहीत सुर्लीकार आनी तेजस अरुण कामत हांणी दरेकी एक गोल मारलो.
एफसी गोवा- बेळगांव युनायटेड मॅच ड्रॉ
आयतारा जाल्ले दुसरे मॅचींत एफसी गोवाच्या 17 वर्सां पिराये सकयल्या पंगडाक बेळगांव युनायटेड फुटबॉल अकादमीन 0-0 अशी बरोबरींत आडायलो. एफसी गोवाक 16 एप्रीलाक सेसा खुटबॉल अकादमी आड जिखप गरजेचें आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
