भांगरभूंय | प्रतिनिधी
सां जुझे दी आरियलाच्या धी किंग्स स्कुलान खेळां आनी युवा वेव्हार संचालनालयान आयोजीत केल्ली 14 वर्सां पिराये सकयली चलयांची आंतरशालेय फुटबॉल सर्त जिखली.
धर्मापूर फुटबॉल मैदानाचेर जाल्ले मॅचींत ताणें दोनापावलाच्या अवर लेडी ऑफ रोझरी हायस्कुलाक 5-0 अशा व्हडा फरकांनी हारयलें.
धी किंग्स हायस्कुला वतीन वेलेना फर्नांडीस आनी अनाली डिकोस्टा हांणी दरेकी दोन गोल केले, जाल्यार नेहा वेर्लेकारान एक गोल केलो.
तिसरी सुवात दाबाळच्या इमॅक्युलेट कॉन्सेप्शन हायस्कुलाक फावो जाली.
जैतिवंत किंग्स हायस्कुलाच्या पंगडांत वेलेना फर्नांडीस, नेहा वेर्लेकार, सिद्धी सावंत, भक्ती पटले, प्रार्थना, डॅल्पिया सौझा, गौरावी, वेदिका सावंत, निविद्या प्रकाश, वान्या रॉड्रिगीश, जेन डिकोस्टा, करीन डिसौझा, अनाली डिकोस्टा, अविका शेट्टी, साशा डीसिल्वा, साची राणे, सान्वी चव्हाण आनी लारा डिक्रुझ हांचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.