भांगरभूंय | प्रतिनिधी
फोंडें, प्रतिनिधी: दुर्गीणी- धारबांदोड्यां राष्ट्रीय महामार्गार बिरेस्तारा रातीं सुमार ११ वरांचेर मालाची येरादारी करपी दोन ट्रका मदीं अपघात जालो. गवी सिद्धया (कर्नाटक) हो ड्रायव्हर गंभीर जखमी जाला. ताचेर जीएमसींत उपचार चालू आसात. कुळें पुलिसांनी अपघाताचो पंचनामो केलो.
मेळिल्ले म्हायती प्रमाण, केए – ३७ -बी -५५८६ क्रमांकाचो ट्रक कर्नाटकांतल्यान फोंड्यां येतालो. दुर्गीणी पावतांच ड्रायव्हराचें नियंत्रण गेल्ल्यान ट्रकाचो फुडल्यान येवपी केए – २२- सी – १२८७ नंबराच्या ट्रकाचेर धपको बसलो. हातूंत कर्नाटकांतल्यान गोंयांत प्रवेश करपी ट्रक ड्रायव्हर गंभीर जखमी जालो. ट्रकाच्या कॅबिनांत आडकून पडिल्ल्या ड्रायव्हराक रस्त्यावेल्यान वचपी हेर वाहन चालकांनी भायर काडून पिळयें मुळाव्या भलायकी केंद्रांत दाखल केलो. उपरांत फुडल्या उपचारा खातीर रातीं उसरां जीएमसींत दाखल केलो. कुळें पुलिसांनी अपघाताचे सुवातेर वचून पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
