भांगरभूंय | प्रतिनिधी
फोंडें: दुर्गीणी – धारबांदोड्यां आयतारा सकाळीं गाडी आनी दुचाकी मदीं जाल्ल्या अपघातांत जखमी जाल्लो जाफर सादिक (२८, चिंबल) हाका जीएमसींत उपचार चलतना मरण आयलें. दुचाकी चालक मकसूद खान होय गंभीर जखमी जाला.
ह्या अपघात प्रकरणांत कुळें पुलिसांनी मोटारीचो ड्रायव्हर गगन साईनाथ गांवकार (२१, करंजाळें – पणजी) हाचे आड गुन्यांव नोंद केल्लो.
आयतारा सकाळीं सुमार ८.१५ वरांचेर मोल्यां दिकेन वचपी दुचाकीक विरुद्ध दिकेन येवपी गाडयेचो धपको बशिल्लो. हातूंत दुचाकीवेले हे दोगूय भाव जखमी जाल्ले. तांकां रोखडेच १०८ ऍम्बुलन्सींतल्यान पिळयें मुळाव्या भलायकी केंद्रांत व्हेल्ले. उपरांत फुडल्या उपचारा खातीर जीएमसींत धाडिल्ले. उपचारा वेळार जाफराक मरण आयलें. कुळेंचे पुलीस निरीक्षक राघोबा कामत हांच्या मार्गदर्शना खाला उपनिरीक्षक सदानंद देसाय हांणी अपघाताचो पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
