भांगरभूंय | प्रतिनिधी
पणजी : धारबांदोडेंच्या श्रीधारेश्वरी देवळाच्या वाठारांत व्हड झाड कोसळिल्ल्यान लायटीचे खांबे आनी सरयो रस्त्यार पडल्यो. हे घडणुकेक लागून ह्या वाठारांतली लायट गेल्ल्यान नागरिकांक त्रास सोंसचे पडटले.
झाडाक लागून रस्त्यार आडखळ निर्माण जाली. येरादारीचेरूय कांय प्रमाणांत परिणाम जालो. हे घडणुकेंत कोणाक कांय जावंक ना.
झाड पडिल्ल्याची म्हायती मेळटांच संबंदीत विभागाचे अधिकारी आनी कर्मचारी घडणुके सुवातेर दाखल जाले. झाड कुशीक काडपाचें आनी लायटीच्यो सरयो आनी खांब्याचे दुरुस्तीचें काम सुरू आसा. प्रशासन झाड पडिल्ल्यान निर्माण जाल्ली आडखळ पयस करपाचो पुरायेन यत्न करता. नागरिकांनी हाका सकार्य करपालो उलो मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
