भांगरभूंय | प्रतिनिधी
धारगळ : पेडणें म्हालांतल्या सुकेकुळण-धारगळेच्या आयुष हॉस्पिटला लागसार आशिल्ल्या रेल्वे रुळार एका ३५- ४० वर्सां पिरायेच्या मनशाची कूड कुशिल्ले अवस्थेंत सांपडली. हे घडणुकेक लागून ह्या वाठारांत बरोच बोवाळ जाला.
थळाव्यांनी हे विशीं पुलिसांक कळयलें. पुलीस रोखडेच घडणुके सुवातेर दखल जावन पळोवणी केली. मजगतीं मडगांवच्यान कोकण रेल्वेच्या निरीक्षकां कडेनूय उलोवप केलें.
पुलिसांनी सुरवातेक ही कूड हेर राज्यांतल्या कामगाराची आसतली असो अदमास उक्तायला. मजगतीं, पुलिसांनी पंचनामो करून ती कूड जीएमसींत धाडल्या. ही कूड कुशिल्ल्यान मरण आयिल्ल्याची वळख पटप कठीण जातलें. हे विशीं पुलीस फुडलो तपास करतात.
बातमी अपडेट जाता….
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
