भांगरभूंय | प्रतिनिधी
पेडणें, प्रतिनिधी ः गोंयांत अपघातांचे सत्र चालूच आसा. सध्या रेंट ए कार आनी हिट अँड रन प्रकारच्या अपघातांनी बरीच वाड जायत आसा. आयज लेगीत पेडण्यां धारगळें म्हामार्गाचेर भिरांकूळ अपघात जालो. हांतूत संजय जळवी (सिंधुदुर्ग) हाका मरण आयले.
चड म्हायती प्रमाण, एका अनवळखी वाहनान स्कुटरीक नेटान धपको दिवन वाहन थंयसावन पळून गेले. ह्या अपघातांत स्कूटर चलोवपी संजय जळवी (सिंधुदुर्ग) हाका जाग्यारुच मरण आयले. पेडण्यांत सतत जावपी अपघातांक लागून नागरीकांनी तिडक उक्तायल्या.
अपघाताची म्हायती मेळ्ळ्या उपरांत थळावे आमदार तशेंच पुलीस घडणूक सुवातेर हजर जालें. उपरांत पुलिसांनी पंचनामो केलो. फरारी वाहनाचो सोद पुलीस घेतात. पेडणें पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
