भांगरभूंय | प्रतिनिधी
मडगांव, प्रतिनिधी ः धर्मापूर-नावेले आयज सकाळीं कदंब बस आनी दुचाकी मदीं अपघात जालो. हांतूत स्कुटर चलोवपी बायल गंभीर जखमी जाली. तिका उपचारा खातीर दक्षीण गोंय जिल्हो हॉस्पिटलांत दाखल केली. पूण उपचारा वेळार तिका मरण आयलें.
मेळिल्ले म्हायती प्रमाण, आयज सकाळीं मडगांव ते कुंकळ्ळी म्हामार्गा वयल्यान वचपी कदंब बस आनी स्कुटरी मदीं धर्मापूरा अपघात जालो. बशीन डिओ स्कुटरीक धपको दिल्ल्यान स्कुटर चलोवपी बायल रस्त्यार पडली. ती गंभीर जखमी जाल्ली. उपरांत प्रवाशांनी भरिल्ले हे बशीच्या चालकाचो गाडये वयलो ताबो सुटलो आनी बस रस्त्या कुशीक उमथली. ह्या अपघातांत कांय प्रवाशांक किरकोळ दुखापत जाल्या. थंय हाजीर आशिल्ल्या लोकांनी रोखडीच एम्ब्युलन्स आपयली आनी जखमी बायलेक हॉस्पिटलांत दाखल केली. उपचारा वेळार तिका मरण आयलें. मडगांव पुलिसांनी घडणुकेचो पंचनामो केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
