भांगरभूंय | प्रतिनिधी
भांगरभूंय । प्रतिनिधी
सांगेंः गोमंतक धरगर समाजोतन्नी मंडळाच्या सांगें फाट्या वतीन 17 वो अखील गोंय धनगर महोत्सव आयतार 22 जानेवारी सकाळीं 11 वरांचेर वालकिणी- सांगे हांगचे धरणग्रस्त कॉलनीं 3त जातलो. गोंय सरकाराचें कला आनी संस्कृती खाते आनी म्हायती खात्याच्या पालवान हो एक दिसाचो महोत्सव जातलो अशी म्हायती सांगें धगनर समाजाचो अध्यक्ष सदा डोईफोडे हाणे एके पत्रकार परिशदेंत ही म्हायती दिली. ताच्या वांगडा रवी वरक, भैरो झोरे, सुदेश यमकार आनी जानू ताटे आशिल्लो.
महोत्सवांत भेसणव सर्त, धनगर फुगडी, धनगर गजानाच सर्त, मुरली वादन सर्त जातली. सर्तींत रोख इनामां दवोरल्यांत. 2021-22 वर्सा जा्ल्ली 10वी 12वीचे परिक्षेंत बरे गुण घेवन पास जाल्ले विद्यार्थी तशेंच खेळा मळार राज्य आनी राष्ट्रीय पांवड्यार बरी कामगिरी केल्ल्या धनगर समाजांतल्या खेळगड्यांचो भोवमान करतले अशें रवी वरक हाणे सांगलें.
आदलो उपमुख्यमंत्री चंद्रकांत (बाबू) कवळेकार हाचें हस्तुकीं महोत्सवाचें उक्तावण जातलें. जिल्लो पंचायत वांगडी सुरेश केपेंकार, सुवर्णा तेंडुलकार, आदलो आमदार वासू मेंग गांवकार, आदलो खासदार नरेंद्र सावयकार, उगेंची सरपंच भारती नायक, नेत्रावळीचो सरपंच बुंदो वरक ह्या वेळार हाजीर आसतले. मुख्यमंत्री डॉ प्रमोद सावंत, समाज कल्याण मंत्री सुभाष फळेदसाय, खासदार विनय तेंडुलकार, सावर्डेंचो आमदार गणेश गांवकार सांजे 5 वरांचेर जावपी इनाम भेटवण कार्यावळीक हाजीर रावतले अशें सदा डोईफोडेन सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
