भांगरभूंय | प्रतिनिधी
सुवाळो मनोवपाक कांय उटा वांंगड्यांचोच विरोध
पणजी : फर्मागुडयेर हांंगा 10 नोव्हेंबराक जावपी द्विदसकपुर्ती सुवाळ्या निमतान उटा संंघटणेंत दोन गट तयार जाल्यात. द्विदसकपुर्ती सुवाळो मनोवपाक संंघटणेच्या कांय पदाधिकाऱ्यांनी विरोध केला. संंघटणेचे फुडारी अॅड. गोविंद शिरोडकार, सुरेश पालकार आनी हेरांंनी पत्रकार परिशद घेवन विरोध केलो.
उटाचे अध्यक्ष प्रकाश वेळीप हे मनमानीपणान संंघटणेचे काम चलयतात. फर्मागुडयेर 10 नोव्हेंबराक जावपी मेळाव्या विशीं अध्यक्ष प्रकाश वेळीप हांणी कोणाकूच विस्वासांत घेवंक ना. मंत्री गोविंद गावडे हांच्या संगंनमतान तांंणी हो निर्णय घेतला. उटा संंघटणेची स्थापणूक 2004 वर्सा जाली. गाकुवेध, ताळगांव वेल्फेर संंघटणा, आदिवासी कल्याण संंघटणा आनी हेर संंघटणा मेळून उटाची स्थापना जाली. संंघटणा स्थापन करपाक मंत्री गोविंद गावडे हांचो कसलाचे वांटो नासलो. हाचे उपरांंत मागण्यां खातीर 2011 वर्सा व्हड आंदोलन जालें.
ह्या आंंदोलनांत दिलीप वेळीप आनी मंगेश गांवकार ह्या तरणाट्यांक मरण आयलें. 25 मे 2011 ह्या दिसा तांंकां मरण आयिल्लें. हो दीस निशेध दीस म्हूण पाळपाची गरज आसली. हे विशीं कसलोच निर्णय घेनासताना प्रकाश वेळीप हांंणी सरकारा सयत 10 नोव्हेंबराक सुवाळो आयोजीत केला. तांंची ही कृती बऱ्याच जाणांक अमान्य आसा, अशें गोविंंद शिरोडकार हांंणी सांगलें.
ह्या सुवाळ्यांत जे थाराव मांंडटले, ताची चर्चा जावपाची गरज आशिल्ली. ह्या थारावाचेर कसलीच चर्चा जावंक ना वा थारावांची म्हायती तांंणी सगल्या वांंगड्यांक दिवंक ना, असो आरोप गोविंंद शिरोडकार हांंणी केलो. ह्या सुवाळ्यांत सगले आदिवासी भाव वांटेकार जावचे नात अशें तांंणी सांंगलें. उटाचे अध्यक्ष ह्या नात्यान प्रकाश वेळीप हे सरकाराक फावो तशे निर्णय घेतात, असोय आरोप जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
