भांगरभूंय | प्रतिनिधी
पणजी: दोनापावला सर्कला कडेन काल रातीं अपघात जालो. एके वेगान वचपी ‘BMW M340i’ गाडयेन रस्त्यावेल्या खुबश्या वाहनांक एका फाटल्यान एक असो नेटान धपको दिलो. ह्या धपक्यान अपघाताचे सुवातेर बोवाळ आनी भंयाचें वातावरण निर्माण जाल्लें. ह्या अपघातांत धपको दिल्ल्या सगल्या वाहनांचें बरेंच लुकसाण जालें. ह्या प्रकरणांत पणजी पुलिसांनी बेगोबेग कारवाय करून चालकां आड गुन्यांव दाखल केला.
पुलिसांनी चालका आड बेकायदेशीरपणान आनी निश्काळजीपणान गाडी चलोवन हेरांच्या जिवाक धोको निर्माण केल्ल्या प्रकरणांत गुन्यांव नोंद केला. फुडलो तपास पुलीस करतात. दोनापावला रस्त्यार फाटल्या दोन म्हयन्यांत घडिल्ली ही तिसरी घडणूक.
#Goa #Panjim #Donapaula #Accident #BMW #AccidentNews #KonakniNews
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
