भांगरभूंय | प्रतिनिधी
एसटी आरक्षण : वेंचणुके पयलीं फेररचणुक आयोगाची स्थापना
पणजी, प्रतिनिधी : पुर्तुगालांत जल्म नोंदणी केली म्हूण पुर्तूगालाचे नागरिक जाय ना, अशें स्पश्टीकरण केंद्रीय विदेश वेवहार मंत्रालय जारी करपाचें आसा. हें स्पश्टीकरण जारी जाले उपरांत पुर्तुगालात जल्म नोंदणी करतल्यांक सरंडर सर्टिफिकेट दितले. अशा तरेन दोट्टी नागरिकत्वाचो प्रस्न सुटावो जातलो, अशें मुख्यमंत्री डॉ. प्रमोद सावंत हांणी सांगलां.
प्रुडंट मीडीयाच्या हेड ऑन कार्यावळीत उलयतना तांणी ही म्हायती दिली. मुख्यमंत्री डॉ. प्रमोद सावंत हे दिल्ली वचून आयले. दिल्ली भेटीत पक्षाच्या अधिवेशनाक हाजेरी लावपा सयत तांणी केंद्रीय गृहमंत्री अमित शाह हांचे सयत हेर केंद्रीय मंत्र्यांच्यो भेटी घेतल्यो.
अनुसूचित जमातीक राजकी आरक्षण दिवपाचे येत्न आसा. लोकसभा वेंचणुके पयली आरक्षणा खातीर फेररचणुक आयोगाची स्थापना जातली. लोकसभा वेंचणुकेत उत्तर गोंयचो उमेदवार कोण, ते ओपन सिक्रेट आसा. उमेदवार सगळ्यांक खबर आसा. लोकसभा वेंचणूक जाहीर जावचे पयली, उमेदवाराची घोशणा जातली. जैतिवंत जावपाच्या तांकीचेर दक्षीण गोंयचो उमेदवार थारतलो, अशें मुख्यमंत्री डॉ. सावंत हांणी स्पश्ट केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
