भांगरभूंय | प्रतिनिधी
चंद्रकांत कंवळेंकार: नेहरू युवा केंद्र दक्षीण गोंय वतीन केप्यां युवा उत्सव
केपें: देश म्हासत्ता करपा खातीर तरणाट्यांचें योगदान म्हत्वाचें. देश पयलो ही भावना मनांत रुजोवन हेशाच्या बर्या खातीर सदांच वावुरचें. आपली संस्कृताय, परंपरा राखपा खातीर तरणाट्यांनी फुडाकार घेवचो. आमच्या देशांत विवीध संस्कृती, जात, धर्म, भासो आसात. हीच आमची खरी गिरेस्तकाय. ती तरणाट्यांनी राखची अशें आदले उपमुख्यमंत्री चंद्रकांत कंवळेंकार हांणी सांगलें.
ते केपें म्हाविद्यालयांत नेहरू युवा केंद्र दक्षीण गोंय हांणी आयोजीत केल्ल्या युवा उत्सव हे कार्यावळीच्या समारोप सुवाळ्याक मुखेल सोयरे ह्या नात्यान उलयताले. ह्या वेळार माचयेर सर्वानंद सावंत देसाय, सुदेश गावडे, ज्ञानेश्वर नायक, कालीदास घाटवळ, आकाश गांवकार आनी हेर हाजीर आशिल्ले.
आयज आमचो देश बरोच फुडें पावला. खुबश्या देशांक फाटीं उडयत आयज आमचो देश नेटान म्हासत्तेचे दिकेन पावलां मारता. हातूंत तरणाट्यांचें मोलादीक योगदान आसा, अशें कंवळेंकार हांणी फुडें म्हणलें.
नेहरू युवा केंद्र दक्षीण गोंय हांणी आयोजीत केल्ल्या युवा उत्सवांत विवीध सर्तींचें आयोजन केल्लें. ह्या वेळार घेतिल्ले पेन्टींग सर्तींत पयलें इनाम तेजस वाडील, दुसरें ईशा वेळीप आनी तिसरें इना रुद्राजी बोरकार हाका फावो जालें.
कविता लेखन सर्तींत पयलें इनाम प्रिन्सी गोन्साल्वीस, दुसरें अंजना गांवकार आनी तिसरें वरदिनी बोरकार हांकां मेळ्ळें. फोटो ग्राफी सर्तींत पयलें इनाम दिलकूश काकोडकार, दसिरें प्रविण चव्हाण आनी तिसरें इना साईराज शिववाली हांकां हाजीर जालें.
लोकनाच सर्तींत पयलें इना बेताळ सांस्कृतीक मंडळ आनी दुसरें पाईक सिध्देश्वर महामाया हांकां फावो जालें. भाषण
सर्तींत पयलें इनाम जेड फेर्नांडीस, दुसरें सिध्दी शिरोडकार आनी तिसरें इनाम सुचिता बादेकार हांकां फावो जालें.
सुत्रसंचालन राहूल गांवकार आनी विशाल गांवकार हांणी उपकार मानले. ह्या वेळार समाज कल्याण खातें, गोंय राज्य एड्स कन्ट्रोल सोसायटी, स्पोर्टस अॅण्ड यूथ अफेयर्स, मुळावें भलायकी केंद्र केपें आनी विवीध खात्यांचें प्रदर्शन भरिल्लें.
जाल्यार नेहरू युवा केंद्राचे वोलिन्टीयर म्हणून राहूल गांवकार, विशाल गांवकार, रतिका गांवकार, अलिशा गांवकार, आकाश गांवकार, सुनंधा गांवकार, ज्योती भगत, निखील गांवकार, सर्वेश गांवकार, सुनील वोगोणकार, मोरेश्वर च्यारी, कृपेश गांवकार हांणी युवा उत्सव येसस्वी करपाक व्हड योगदान दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
