भांगरभूंय | प्रतिनिधी
रामनाथ पवारः मोरजी पंचायतीन मनयली आंबेडकर जयंती
भांगरभूंय । प्रतिनिधी
पेडणें: भारताचे घटनेचे शिल्पकार डॉ. बाबासाहेब आंबेडकर हे खरे देशमोगी, सर्वधर्मसमभाव सांबाळपी. तांच्या विचारांतल्यान आमकां फुडें वचपाचें आसा. देशाच्चेया संविधानाचें संरक्षण करप, दरेकल्याची जापसालदारकी आसा, अशें मोरजीचे ज्येश्ठ नागरीक रामनाथ पवार हांणी सांगलें. मोरजी पंचायती वतीन आंबेडकर जयंती मनयली. ह्या सुवाळ्यांत पवार मुखेल सोयरे ह्या नात्यान उलयताले.
ह्या वेळार मोरजीचे सरपंच मुकेश गडेकार, आदली सरपंच तशेंच सध्याची पंच सुरेखा शेट गांवकार, आदले उपसरपंच तशेंच उद्देजक अमीत शेट गांवकार, पंच फटू शेटगांवकार, पंच तशेंच आदले सरपंच मंदार पोके, पंच सुप्रिया पोके, नृत्यशिक्षिका वैष्णवी जोशी हाजीर आशिल्ली.
मानेस्तांनी डॉ. आंबेडकर हांचे प्रतिमेक फुलां ओंपून आर्गां दिलीं. गडेकार हांणी सांगलें, डॉ. आंबेडकर हांणी दिल्ले घटनेक लागून आमकां भारतीयांक अधिकार मेळ्ळ्यात. दरेकल्यान आंबेडकार हांचे विचार लक्षांत घेवन आपल्या कामाक सुरवात करची. देश सक्षम करचे खातीर जे तरेन देशमोगी काम करतात, तशेंच काम आमीय करुंया, अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
