भांगरभूंय | प्रतिनिधी
नवी दिल्ली, खबरां संस्था : देशांतल्या सूक्ष्म, ल्हान आनी मध्यम उद्देगांत (एमएसएमई) बायलांचो वाटो पांच वर्सांत ३२ टक्क्यांनी वाडला. २०१९-२० वर्सा २५.५१ लाख एमएसएमई आशिल्लेे. त्या वेळार ह्या उद्देगांतले २१.५३% उद्देग बायलां चलयतालीं. आतां हो आंकडो वाडून ५३.५८% जाला.
सध्या १.०६ कोटी एमएसएमई धनी बायलां आसात. केंद्रीय मंत्री भानू प्रतापसिंह वर्मा हांणी संसदेंत ही म्हायती दिली. वर्मा हांणी सांगलें, ११ जानेवारी २०२३ दिसा यूएपी (उद्यम असिस्ट प्लॅटफॉर्म) सुरू जाले उपरांत ६ फेब्रुवारी २०२४ मेरेन १.३५ कोटी अनौपचारीक सूक्ष्म उद्देग (आयएमईएस) नोंद जाल्यात. हातूंतले ७०% बायलां हाताळटात.
सध्या देशांत १.९८ कोटी एमएसएमई आसात. २०२०-२१ वर्साच्या कोरोना काळांत एमएसएमईंत बायलांचो वाटो १५.५२% मेरेन उणो जाल्लो. कोरोना सोंपता म्हणसर बायलांचो आंकडो नेटान वाडलो. २०२२-२३ वर्सा २२.४९% पावलो आनी आतां ५३.८५% आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
