देशांतल्या पयल्या ग्रीन शाळेचें उक्तावण

भांगरभूंय | प्रतिनिधी

दर्जेदार शिक्षण दिवपाक गोंय अग्रेसरः मुख्यमंत्री

भांगरभूंय I प्रतिनिधी
दिवचलः गोंयांतल्या शिक्षणीक क्षेत्रांत जायते नवे प्रयोग, बदल करतना मानव संसाधन आनी मुळाव्याे साधन सुविधा हांच्या पालवान आधुनीक गजालींचो ध्यास घेवन नवे पर्याय उपलब्ध केल्यात. केजी ते डॉक्टरेट मेरेन पुराय शिक्षणाची सुविधा सांखळे उपलब्ध केल्या. भारतांतली पयली ग्रीन शाळा सुरू करून गोंयान आदर्श निर्माण केला. लोकांक बऱ्यो सुविधो उपलब्ध करप आनी सगल्याच समस्यांचें समाधान करून गोंयाक आदर्श राज्य करपाचे ध्येय मुख्यमंत्री डॉ. प्रमोद सावंत हांचें आसा.
विठ्ठलापूरा श्री विठ्ठल रखुमाई सरकारी प्राथमीक शाळेच्या (ग्रीन शाळा) उक्तावणा वेळार ते उलयताले.
नवे शिक्षणीक धोरण शिक्षण क्षेत्रांत नवी क्रांती घडयतले. प्राथमीक ते उच्चपदा मेरेन विवीध शिक्षणीक, कुशळटाय विकास, मनीस विकास अानी मानव संसाधन उपलब्ध करपांत सरकार येसस्वी थारलां.
कोडींग, रोबोटींग अशें जायते नवे पर्याय सुरू केल्या. कुशळटाय विकसीत करतना फुडल्या 50 वर्सांचो विचार करून जायते बदल आनी सुदारणा करतात. जाका लागून दर्जेदार शिक्षण दिवपाचो सरकाराचो उद्देश आसा. विद्यार्थी, पालक, शिक्षक ह्या तिनूय घटकांनी शिक्षण वेवस्था सक्षम करपाक सहकार्य करचें, असो उलो मुख्यमंत्री डॉ. सावंत हांणी केला.