भांगरभूंय | प्रतिनिधी
नवी दिल्ली, खबरां संस्था: लोकसभा वेंचणुकेच्या पयल्या टप्प्यांत उष्णतायेक लागून उणें मतदान जाल्ल्यान २६ एप्रिलाक जावपी दुसर्या टप्प्या खातीर केंद्रीय निवडणूक आयोग शिटूक जालां. आयोगान विशेश कृती गट तयार केल्ल्यान दरेका टप्प्यांतल्या मतदाना पयलीं पांच दीस हवामानाचो आढावो घेतले.
दक्षीण आनी मध्य भारतांत मार्चांत तापमान ३४ ते ४० अंश सेल्सिअसा मजगतीं उरिल्लें. मात, एप्रिलांत तें वाडून ३४ ते ४० अंशा मजगतीं आसतलें. एप्रिलांत दोन वेळा उश्णतायेचें ल्हार येवपाक शकता असो अदमास हवामान खात्यान उक्तायला. लोकसभा वेंचणुकेच्या फुडल्या स टप्प्यां मदल्या मतदानाचेर वाडपी तापमानाचो वायट परिणाम जावपाची शक्यताय लक्षांत घेवन आयोगान सोमारा हवामान खात्यांतल्या अधिकार्यां कडेन सविस्तर चर्चा केली.
आयोगान राज्यांतल्या यंत्रणांक सुचवण्यो केल्यात. मतदारांक मतदाना वेळार उश्णतायेचो त्रास जावचो न्हय हे खातीर दक्षता उपायूय सुचयल्यात. दुसर्या टप्प्यांत १३ राज्यांतल्या ८८ मतदारसंघांनी मतदान जातलें.
आयोगाच्यो सुचवण्यो
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
