भांगरभूंय | प्रतिनिधी
पणजी, बातमीदार ः दुबावितांक अटक केल्या उपरांत पुलीस अधिकारी तांचे वांगडा फोटो काडून मिडियाक दितात. गोंयच्या मुंबय उच्च न्यायालयान सुमार 3 वर्सां आदीं हाचेर बंदी घाल्ली. तरी लेगीत अशें प्रकार बंद जावंक ना, ते चालूच आसात हें लक्षांत येतकच उच्च न्यायालयान ‘स्वेच्छा दखल’ घेतल्या. अशे फोटो उजवाडाक दिवपी सुमार 70 प्रकरणांनी कांय पुलीस अधिकाऱ्यांक अवमानाची नोटीस जारी केल्या. ही म्हायती अॅडव्होकेट जनरल (एजी) देवीदास पांगम हांणी दिली.
दुबाविताक अटक केल्या उपरांत पुलीस अधिकारी तांचे वांगडा फोटो काडून मिडियाक धाडटात. ते फोटो दिसाळ्यांनी आनी सोशल मिडियाचेर वतात. हाचेर उच्च न्यायालयान सुमार 2 ते 3 वर्सां आदीं बंदी घाल्ली. ते उपरांत पुलीस खात्यान सगल्या अधिकाऱ्यांक परिपत्रक जारी केल्लें. अशें आसून लेगीत पुलीस अधिकारी फोटो काडून दिसाळ्यांनी उजवाडावपाक दितात. ते छापूनय येतात. त्या फोटोंनी दिसपी अधिकाऱ्यांक नोटीस जारी केल्यात. ह्या प्रकरणांतली फुडली सुनावणी 15 एप्रीलाक जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
