भांगरभूंय | प्रतिनिधी
फोंडें, प्रतिनिधी: दुदसागर घसघश्याचेर न्हांतना बुडपी तीन वर्सां पिरायेचे चलयेक वाटावपाक दृष्टीच्या जिवरक्षकांक येस आयलें. ही घडणूक सोमारा दनपरां घडली. ही चली हैदराबादची.
मेळिल्ले म्हायती प्रमाण हैदराबादच्यान आयिल्ल्या पर्यटकांचो एक पंगड सोमारा दूधसागर घसघश्याचेर न्हांवपा खातीर उदकांत देंवलो. तेन्ना ल्हान चलयेक घेवन ताचो बापूय उदकांत देंविल्लो. मात फातराचेर पांय निसरून ती चली खोल उदकांत पडली. ती घुस्मटूंक लागिल्ल्यान लागींच आशिल्ल्या जीव रक्षकांनी तिका उदकांतल्यान भायर काडली. वाटायल्ली चली बरी आसा. उपरांत हैदराबादांतले सगळे पर्यटक थंयच्यान परतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
