भांगरभूंय | प्रतिनिधी
पणजी: पोरणें गोंय पुलीस स्टेशनाचे शिमेंत दिवाडी वाठारांत मांडवी न्हंयेंत एक अनवळखी कूड सांपडिल्ली. ह्या कुडीची अजून वळख पटिल्ली ना.
पोरणें गोंय पुलिसांनी दिल्ले म्हायती प्रमाण बुधवारा 25 वेर सकाळीं दिवाडे मांडवी न्हंयेंत एक कूड उदकांत हुफेतना सांपडली. उपरांत उजो पालोवपी दळाचे मजतीन पोरणें गोंय पुलिसांनी कूड भायर काडली. उपरांत कूड बांबोळे गोमॅकॉच्या मड्या कुडींत दवरली.
ह्याच वेळार पुण्यांत इलेक्ट्रिकलचो वेवसाय करपी विनायक नायक हाचो हणकोण- कारवारां अनवळख्यांनी खून केल्लो. ह्या प्रकरणांत दुबावीत गुरुप्रसाद राणे हाची कूड आशिल्ल्याचो मुळावो अदमास उक्तायिल्लो. उपरांत सांजवेळा मांडवी न्हंयेंत बेतीं कुशीक आनीक एक कूड सांपडिल्ली. ती कूड गुरुप्रसाद राणे हाचीच आशिल्ल्याचें स्पश्ट जाल्लें. पूण दिवाडे कुशीक सांपडिल्ल्या कुडीची अजून वळख पटिल्ली ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
