दिवचल तालुको घुमट आरती सर्तींत विविधा माध्यमीक विद्यालय पयलें

सर्तींत वांटेकार जाल्लो विविधा उच्च माध्यमीकचो घुमट आरती पंगड

भांगरभूंय | प्रतिनिधी

भांगरभूंय । प्रतिनिधी
साखळीः साखळी भौशीक गणेशोत्सव मंडळान हे वर्सा आयोजीत केल्ले घुमट आरती सर्तींत न्हावेली- साखळी हांगच्या विविधा उच्च माध्यमीक विद्यालयाच्या पंगडान पयलो नंबर मेळयलो. सिद्धेश्वर मळीक हांका बरो घुमट वादक आनी मोहित मळीक हाका बरो शामेळ वादक म्हणून इनामां फावो जालीं.
मुख्यमंत्री डॉ प्रमोद सावंत, विजयादेवी राणे, साखळेचो नगराध्यक्ष राजेश सावळ, डॉ गोविंद काळे, उत्सव समितीचो अध्यक्ष सुखलाल दाते, कार्यकारी समिती अध्यक्ष शैलेंद्र काणेकार, उपेंद्र कर्पे हांचे हस्तुकीं इनामां मेळोवपी पंगड आनी विद्यार्थ्यांक रोख इनामां दिवन भोवमानीत केलें.
विविधा माध्यमिकाच्या पंगडाक शिक्षक विश्वास हळदणकार आनी संगीता देसाय तशेंच घुमट आरती प्रशिक्षक प्रद्युम आमोणकाराचें मार्गदर्शन मेळ्ळें. माध्यमीक पंगडाच्या येसा खातीर  शिक्षण संस्थेचो वेवस्थापक प्रताप गांवस, प्राचार्य रमेश सिनारी, शिक्षक आनी पालकांनी परबीं भेटयल्यांत.