भांगरभूंय | प्रतिनिधी
दिवचल: केंद्रांत नरेंद्र मोदी आनी गोंयांत डॉ. प्रमोद सावंत हांच्या फुडारपणा खाला दरेक घटकाचो विकास सादपा खातीर सगलीं यंत्रणा कार्य करीत आसात. गरजेवंतांक तशेंच दरेका घरांत विवीध येवजण्यो पावयतात. आदर्श राज्या बरोबरूच दरेक घरांत सूख, समृद्धी ही आमची संकल्पना आसा. हे प्रक्रियेंत लोकांनीय वांटेकार जावचें अशें आवाहन दिवचलचे आमदार डॉ. चंद्रकांत शेट्ये हांणी केलें.
मुख्यमंत्री सहाय्य निधींतल्यान दिवचल मतदारसंघांतल्या सुमार 60 लाभार्थ्यांक अर्थीक मजतीचें वितरण डॉ. शेट्ये हांचे हस्तुकीं केलें.
ह्या वेळार माचयेर डॉ. दिनेश आमोणकार, जिल्हो पंचायत वांगडी प्रदीप रेवोडकार, पवन राणे, नामदेव घाडी बी मानेस्त हाजीर आशिल्ले.
डॉ. चंद्रकांत शेट्ये हांणी प्रधानमंत्री नरेंद्र मोदी हांणी देशाची शान संवसारांत वाडयली. फुडारांत तेच देशाचे प्रधानमंत्री आसतले अशेंय मोदी हांच्या वाडदिसा निमतान आयोजीत धनादेश वितरण कार्यावळींत तांणी सांगलें. सुत्रसंचालन प्रा. दिलीप धारगळकार हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
