दिवचले खुबश्या प्रकल्पांचें नियोजन करून काम सुरू केलां

लाडली लक्ष्मीचो लाव घेतिल्ल्या बायलां वांगडा आमदार डॉ चंद्रकांत शेट्ये, प्रदीप रेवोडकार, विशाल सेन गाड आनी हेर. ( विशांत वझे)

भांगरभूंय | प्रतिनिधी

डॉ. शेट्ये: दिवचलच्या 87 बायलांक लाडली लक्ष्मी येवजण मंजुरी पत्रां वाटलीं

दिवचल: दिवचल मतदारसंघाची पुरायेन उदरगत करपा खातीर आमी खुबश्या प्रकल्पांचें नियोजन करून काम सुरू केलां. जनते खातीर सेवा दितना, तांचे प्रस्न समजून घेवन ते सोडोवप हें आपल्याक म्हत्वाचें. मुळावी उदरगत, मानवी उदरगत, बायलांची उदरगत अश्या सगळ्याच पांवड्यांचेर काम सुरू आसा. ताका लागून सगळ्यांनी सहकार्य करचें असो उलो दिवचलचे आमदार डॉ. चंद्रकांत शेट्ये हांणी दिलो. 

लाडली लक्ष्मी येवजणेच्या सुमार 87 जाणांक मंजुरी पत्रांचें वांटप डॉ. शेट्ये हांचे हस्तुकीं जालें. ह्या वेळार ते उलयताले.

आमदार भवनांत आयोजीत हे कार्यावळींत जिल्हो पंच वांगडी प्रदीप रेवोडकार, पंच विशालसेन गाड, प्रितेश गडेकार, दिलीप धारगळकार, पवन राणे आनी हेर मानेस्त ह्या वेळार हाजीर आशिल्ले. 

साळ हांगा 340 कोटींची हुंवार आडावपा खातीर आनी जल येवजण चालीक लायतां. तशेंच मतदारसंघांतले सगळे रस्ते, वीज वेवस्थेंत सुदारणा, जायते नवे प्रकल्प हातांत घेतल्या आनी लोकांक जायत्यो सुविधायो परतून मेळपाक लागल्यात अशें डॉ. संचालक दिलीप धारगळकार हांणी सांगलें. 

सुत्रसंचालन दिलीप धारगळकार हांणी केलें.