भांगरभूंय | प्रतिनिधी
सुभाष फळदेसाय आयकतले लोकांचीं गाराणीं
भांगरभूंय । प्रतिनिधी
दिवचलः गोंयांतल्या लोकांचे प्रस्न ताकतिकेन सोडोवपाक मेळचे आनी जलद प्रक्रिया जावची, ह्या उद्देशान दिवचल उपजिल्होधिकारी कार्यालयांत प्रशासन तुमच्या दारांत ही कार्यावळ आयज शुक्रारा 17 मार्चाक आयोजीत केल्या. लोकांनी हे कार्यावळीक मुजरत हाजीर रावचें, असो उलो मयेंचे आमदार प्रेमेंद्र शेट हांणी पत्रकार परिशदेंत दिली. ह्या वेळार भाजपा मंडळ अध्यक्ष दया कारबोटकार, विश्वास चोडणकार, गोपाळ सुर्लकार, विश्वास चोडणकार हाजीर आशिल्ले.
ह्या जतना दरबारांत विवीध खात्यांचे अधिकारी हाजीर रावतले. सकाळीं 10 ते दनपारां 1 वरा मेरेन मंत्री सुभाष फळदेसाय लोकांचे प्रस्न समजून घेतले. दिवचल म्हालांतल्या मयें, दिवचल आनी सांखळी मतदार संघांतल्या लोकांनी हे कार्यावळीक येवचे, असो उलो शेट हांणी मारला. तशेंच 18 मार्चाक दरेके पंचायतींत वरिश्ठ अधिकरी हाजीर रावून स्वयंपूर्ण मित्रांक आनी लोकप्रतिनिधींक मार्गदर्शन करतले, अशीय म्हायती तांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
