भांगरभूंय | प्रतिनिधी
दिवचलच्या उपनगराध्यक्ष पदार
दिपा पळ हिची बिनविरोध निवड
भांगरभूंय । प्रतिनिधी
दिवचलः दिवचल पालिका मंडळाच्या उपनगराध्यक्षपदार दिपा संगम पळ हिची बुधवारा बिनविरोध निवड जाली. उपनगराध्यक्षपदा खातीर रंजना वायंगणकार हिणे उमेदवारी अर्ज दाखल केल्लो. मात मतदाना पयलीं तिणे आपलो व्हो अर्ज फाटीं घेतिल्ल्यान पळ हिची बिनविरोध निवड जाल्ल्याचें निर्वाचन अधिकार आनी दिवचलचो उपजिल्होधिकारी रोहन कासकार हाणे जाहीर केलें.
पालिका सभाघरांत आयोजीत केल्ल्या पालिका मंडळाच्या खासा बसकेंत नगराध्यक्ष कुंदन फळारी, मुख्याधिकारी सचीन देसाय आनी रियाज बेग, रंजना वायंगणकार, सतीश गांवकार, तनुजा गांवकार, अनिकेत चणेकार, अपर्णा फोगेरी, सुदन गोवेकeर, दीपा शिरगांवकार, विजयकुमार नाटेकार ,नीलेश टोपले, सुखदा तेली हे नगरसेवक, नगरसेविका हाजीर आशिल्ल्यो.
उपनगराध्यक्ष म्हणून निवड जाल्या उपरांत दीपा पळ हिणे नगरसेवकांचे उपकार मानले. मुख्यमंत्री डॉ प्रमोद सावंत आनी आमदार डॉ चंद्रकांत शेट्ये, भाजपा प्रदेशाध्यक्ष खासदार सदानंद शेट तानावडे, तशेंच दिवचलचो भाजपा फुडारी वल्लभ साळकार आनी नगर पालिका मंडळाच्या सहकार्यान दिवचले उदरगती खातीर यत्न करतलें अशें तिणे सांगलें. नगराध्यक्ष कुंदन फळारी हाणे दीपा पळ हिका परबीं भेटोवन दिवचल शाराचे उदरगती खातीत एकठांय येवन यत्न करून नव्यो येवजण्यो चालीक लायतले अशें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
