भांगरभूंय | प्रतिनिधी
पणजी, बातमीदार ः दिवचल तालुक्यांतल्या एके खण कंपनीन 90 कोटी रुपयांची नोंदणी शुल्क भरून सगळी प्रक्रिया पुराय केल्ली. दिवचल सब रजिस्ट्रारान नोंदणी पुराय करपाचें सोडून सरकाराचें मत घेवपा खातीर ती फायल धाडली. पयशे दिवन लेगीत काम जायना अशी चवकशी कंपनीन केली तेन्ना ही सगळी गजाल उक्ती जाली. कामात गैरप्रकार केल्ल्याच्या आरोपा वयल्यान सरकारान दिवचलच्या उपनिबंधकाक निलंबीत केला.
वेदांता सेसा गोवा कंपनीन लीज कबलात पुराय जातकच गरजेची रक्कम खण खात्या कडेन जमा केली. सरकारी खात्यात जमा केल्ली ही रक्कम सुमार 90 कोटी रुपया आसा अशी म्हायती मेळ्ळ्या. पूण ही सगळी प्रक्रिया सोंपतकच नोंदणी प्रक्रिया पुराय जावपाक जाय आशिल्ली, पूण ती जावपाक कळाव जालो. उपनिबंधकान संबंदीत फायल सरकाराक धाडली. ती फायल हांगा थंय वचत रावली. कंपनीक त्रास जालो. इतलेंच न्हय तर पयशे एकठांय जाले, पूण नोंदणी वेळार जावंक नाशिल्ल्यान सरकाराकय त्रास जालो. निमाणें कामांत गैरप्रकार केल्ल्याच्या आरोपा वयल्यान उपनिबंधकाक सेवेंतल्यान निलंबीत केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
