भांगरभूंय | प्रतिनिधी
मरण आयिल्ल्यां मदीं ११ विदेशी आनी ११ भारतीय नागरीक
नवी दिल्ली: दक्षिण दिल्लींतल्या मालवीय नगरांतल्या फ्लॉरिश स्टे ‘बी अँड बी’ हॉटेलांत बिरेस्तारा सकाळीं उजो लागलो आनी २२ जाणांक मरण आयलें. हे घडणुके प्रकरणांत हॉटेलचो वांगडी धनी लवकेश बजाज हाका पुलिसांनी अटक केल्या.
‘बेड अँड ब्रेकफास्ट’ येवजणे खाला ह्या हॉटेलाक ६ कुडीं खातीर परवानगी आशिल्ली, पूण हांगा २५ परस चड कुडी आशिल्ल्यो. हॉटेलांत फायर एनओसी नाशिल्ली आनी फकत एकूच प्रवेशदार आशिल्लें. मरण आयिल्ल्यां मदीं ११ विदेशी आनी ११ भारतीय नागरीक आशिल्ले. विदेशी लोकां मदीं आफ्रिकन देशांतले ९ आनी तुर्कमेनिस्तानांतले २ जाण आशिल्ले.
मरण आयिल्ल्या कुडींची डीएनए तपासणी करतले. पुलिसांनी हॉटेलाचो धनी लवकेश बजाज हाका सध्या अटक केल्या. तशेंच हेरां आड गुन्यांव नोंद केला. पुलीस हेरांचो सोद घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
