भांगरभूंय | प्रतिनिधी
मडगांव, प्रतिनिधी ः दिल्लीच्यान गोंयांत आयिल्ल्या जोसेफ हेन्री मॅथ्युज (26) ह्या पर्यटकान मडगांवच्या एका हॉटेलाचे कुडींत गोळ घेवन आत्महत्या केली. ह्या प्रकरणांची फुडली चवकशी मडगांव पुलिसांनी सुरू केल्या.
मेळिल्ले म्हायती प्रमाण, जोसेफ हाची कूड 29 तारखेक पंख्याक गोळ घेतिल्ले अवस्थेंत मेळ्ळी. उपरांत हॉटेल वेवस्थापक विनय कामत हांणी मडगांव पुलिसांक हे घडणुकेची म्हायती दिली. मडगांव पुलिसांनी कुड पोस्टमार्टमा खातीर दक्षीण गोंय जिल्हो हॉस्पिटलांत दवरल्या. सैमीक मरण म्हूण हें प्रकरण नोंद केला. आत्महत्या करपा फाटलें नेमके कारण कितें हें अजून स्पश्ट जावंक ना. पुलीस निरिक्षक तुळशीदास नायक हांच्या मार्गदर्शना खाला फुडलो तपास सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
