भांगरभूंय | प्रतिनिधी
पणजी, प्रतिनिधी : पुलीस म्हासंचालक जसपाल सिंग हांची बदली आनी मंत्रिमंडळ फेरबदल चर्चेचे फांटभुयेर मुख्यमंत्री डॉ. प्रमोद सावंत हे दिल्लींत आसतनाच आमदार दिगंबर कामत हांणी केंद्रीय मंत्री नितीन गडकरी हांची भेट घेतली. रिंग रोड आनी कोंब हांगाच्या उड्डाण पुला विशीं चर्चा जाल्ल्याची म्हायती श्री. कामत हांणी व्टिट करून दिल्या.
मुख्यमंत्री डॉ. प्रमोद सावंत हे दिल्ली आसतनाच दिल्लींतूच भाजपाचे आमदार कामत हांणी गडकरी हांची भेट घेतिल्ल्यान राजकी मळार उमळशीक वाडल्या. नितीन गडकरी हांकां परबी दिवपा सयत कोंब – मडगांवच्या प्रस्तावित उड्डाण पुलाक बेगिन मान्यताय दिवपाची मागणी हांवें केल्या. ही सदिच्छा भेट आशिल्ल्याचे व्टिट आमदार कामत हांणी केलां.
येरादारी मंत्री मॉविन गुदिन्हो हांणी मंगळारा दिल्लींत गडकरी हांची भेट घेतली. हाचे पयली वीज मंत्री सुदिन ढवळीकार हांणी केंद्रीय अक्षय उर्जा मंत्री प्रल्हाद जोशी हांची भेट घेतली. राज्याचे मंत्री फाटोफाट दिल्लींत केंद्रीय मंत्र्यांच्यो भेटी घेत आसतना बुधवारा आमदार दिगंबर कामत हे पसून दिल्ली पावलें. हाका लागून मंत्रिमंडळ फेरबदलाच्या चर्चेक नेट आयला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
