भांगरभूंय | प्रतिनिधी
मडगांव: दिकरपाल, साश्टीच्या दुकळे पोल्युशन सेंटर लागसार आशिल्ल्या कावलां अड्ड्याक मंगळारा सकाळीं उजो लागलो. मडगांव उजो पालोवपी दळाचे शिटुकसाणेक लागून हो उजो पुरायेन पालयलो.
मंगळारा सकाळीं ६.१८ वरांचेर दिकरपाल हांगा दुकळे पियुसी सेंटरा लागसार ही घडणूक घडली. उजो लागिल्ल्याची म्हायती मेळटांच मडगांव उजो पालोवपी दळ घडणुके सुवातेर पावलें. घडणुके सुवातेर गेले उपरांत कोयराक लागिल्लो उजो वाडत गेल्ल्याचें लक्षांत आयले उपरांत जवानांनी उज्याचेर उदक मारलें. उो पालोवपी दळाच्या जवानांक लागून उजो नियंत्रणांत आयलो.
हो उजो पुरायेन पालोवपाक येस आयलें, हातूंत कोणाक कांय जावंक ना. मात उज्याक लागून ह्या वाठारांत व्हडा प्रमाणांत धुंवर पातळून हवेचें प्रदूशण जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
