भांगरभूंय | प्रतिनिधी
फोंडें, प्रतिनिधी: दावकोण- धारबांदोड्यां बुधवारा सकाळीं देवेंद्र चेपो गांवकार ह्या तरणाट्याचेर हल्लो करून ताका जखमी केलो. जखमी गांवकार हांचेर फोंडेंच्या उपजिल्हो हॉस्पिटलांत उपचार सुरु आसात. शुक्रारा तांचेर शस्त्रक्रिया करतले. हल्लो करपी नाणूस – उसगांव तशेंच कणकीरे – गुळेली हांगाचे. पुलीस दुबावितांचो सोद घेतात.
हें प्रकरण धांपपा खातीर राजकी मळा वयल्यान यत्न जाल्लो. ताका लागून बुधवारा ही घडणूक उक्ताडार येवंक ना. मात बिरेस्तारा सकाळीं हें प्रकरण हॉस्पिटलांतल्यान उक्ताडार आयलें.
उपरांत बिरेस्तारा द्रेवेंद्र गांवकार (दावकोण-धारांदोडें) हांचेर हल्लो करून जखमी केल्ल्या प्रकरणांत दुबावीत कांता बेतकेकार (कणकीरे – गुळेली) आनी महादेव गावडे (नाणूस-उसगांव) हांचे आड कुळे पुलिसांनी गुन्यांव नोंद केलो. आनी दुबावितांचो सोद घेवपाक पुलिसांनी सुरवात केल्या. ह्या प्रकरणाचो कुळे पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
