भांगरभूंय | प्रतिनिधी
वास्को, प्रतिनिधी ः आल्त-दाबोळें वालिस चौकांत शेनवारा (ता. 30) जाल्ल्या अपघातांत गाडयेंतले पांच जाण किरकोळ जखमी जाल्यात. कारीन येरादारी जुंव्याक धपको दिल्ल्यान ताचो कांय भाग मोडलो. कारीचो फुडलो भाग पुरायपणान मोडलो. गाडयेंत बियरींच्यो बाटल्यो आनी बॉक्स मेळिल्ल्यान संबंदीतांनी सोरो पियेल्लो काय ना हें वैजकी अहवाला उपरांत उक्तें जातलें. ह्या अपघाता संबंदी वास्को पुलिसांनी मोटार वाहन कायद्या खाला गुन्यांव नोंद केला.
पुलिसांनी दिल्ले म्हायती प्रमाण, केरळ नोंदणी क्रमांक आशिल्ली गाडी सकाळीं वेर्णा सावन दाबोळी विमानतळ वटेन वेगान वताली. ड्रायव्हराचो गाडये वयलो ताबो गेलो आनी गाडयेन मुखार आशिल्ल्या येरादारी जुंव्याक धपको दिलो. हाका लागून गाडी रस्त्यार उमथली. ह्या गाडयेंत तीन दादले आनी दोन बायलो आशिल्ल्यो. तांका किरकोळ जखम जाल्ल्यान उपचारा खातीर चिखली उपजिल्लो हॉस्पिटलांत व्हेले. संबंदीत लोकांनी सोरो पियेल्लो काय ना तें सोदून काडपा खातीर दोतोरान तांचे रगताचे नमुने घेतल्यात. ते अहवाला उपरांत फुडली कारवाय जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
