भांगरभूंय | प्रतिनिधी
भांगरभूंय। प्रतिनिधी
वास्कोः दाबोळी विमानतळार पार्किगा खातीर नवे देर जाहीर केल्यात. ते 30 मिनटां आनी 120 मिनटां खातीर आसात.कोच, बस आनी ट्रकां खातीर पयल्या 30 मिनटां खातीर 40 रुपया पार्किंक फी आसतली. त्या उपरांतच्या 30 मिनटां खातीर दरेकी 100 रुपये आसतले. चडांत चड 120 मिनटा ही वाहनां पार्क करपाक मेळटलीं. टॅम्पो, एसयुव्ही आनी मिनी बशीं खातीर पयल्या 30 मिनटा खातीर 30 रुपये आनी फुडल्या 30 मिनटां खातीर 100 रुपये आनी हीं वाहनां लेगीत चडांत चड 120 मिनट पार्क करून दवोरपाक मेळटलीं.
कार खातीर पयल्या 30 मिनटाक 30 रुपये त्या उपरांतच्या 30 मिनटाक 85 रुपये हे प्रमाण 120 मिनटां त्या पार्क करून दवोरपाक मेळटल्यो. दुचाकी खातीर पयल्या 30 मिनटां खातीर 10 रुपया आनी उपरांतच्या 30 मिनटा खातीर 20 रुपया दिवचे पडटले. 120 मिनटां उपरांत दुचाकी खातीर प्रत्येक वरांक 20 रुपया दिवचे पडटले.
वाहनां 7 वरां तें 24 वरां पार्ककरपा खातीर 30 तें 120 मिनटा पार्क करून दवोरपाक जो दर आसा ताच्या 300 पटींनी चड पार्किक फी लागू जातली. ह्या दरांत जीएसटीचो आसपाव आसा अशें विमानतळ अधिकाऱ्यान स्पश्ट केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
