भांगरभूंय | प्रतिनिधी
मुरगांव, प्रतिनिधी: दाबोळी विमानतळार केंद्रीय उद्देगीक सुरक्षा दळाच्या जवानाक कामाचेर आसतना मरण आयलें.
दाबोळी विमानतळ पुलीस निरीक्षक अरुण बर्के हांणी दिल्ले म्हायती प्रमाण, बुधवार २० मार्चाक दाबोळी विमानतळाचेर केंद्रीय उद्देगीक सुरक्षा दळाचे जवान नथूराम बागवे (५५) हे विमानतळावेल्या शौचालयांत गेल्ले थंयच कोसळ्ळे. नथुराम शौचालयांत पडिल्ल्याची म्हायती विमानतळा वयल्या हेर कर्मचार्यांक कळ्ळी. रोखडेंच थंय हाजीर आशिल्ल्या केंद्रीय उद्देगीक सुरक्षा दळाच्या अधिकार्यांनी नथुराम हांकां ऍम्बुलन्सींत घालून चिखले उपजिल्हो हॉस्पिटलांत उपचारा खातीर दाखल केलो. तेन्ना डॉक्टरांनी तांकां मरण आयिल्ल्याचें सांगलें. नथुराम हे मूळ मध्यप्रदेशांतले. ते सध्या वास्को हांगा भाड्याचे कुडींत रावताले.
दाबोळी विमानतळ पुलिसांनी मरणाचो पंचनामो करून नथुराम हांची कूड पोस्टमार्टमा खातीर मडगांव दक्षीण गोंय जिल्हो हॉस्पिटलांत धाडल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
