भांगरभूंय | प्रतिनिधी
फोंडें, प्रतिनिधी ः दाबाळे सरकारी प्राथमिक शाळेंत यत्ता तिसरेंत शिकपी विद्यार्थी मयंक दुर्गेश गांवकार हाका मोटारीन धपको दिले उपरांत तो जखमी जालो. हो अपघात मंगळारा सकाळीं 8 वरांच्या सुमाराक जालो. जखमींक उपचारा खातीर जीएमसींत दाखल केलां.
मेळिल्ले म्हायती प्रमाण, मंगळारा सकाळीं एक बायल दाबाळ सावन कोडली वटेन मोटारीन वताली. त्या वेळार मयंक हाका मोटारीन धपको दिलो. उपरांत ताका खाजगी वाहनांतल्यान पिळये मुळाव्या भलायकी केंद्रांत उपचारा खातीर व्हेलो. फुडल्या उपचारा खातीर ताका जीएमसींत दाखल केलो. कुडचडे पुलिसांनी ह्या अपघाताचो पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
