भांगरभूंय | प्रतिनिधी
घरगुती पुरवणेर परिणाम नाः लाखांनी लिटर उदकाचो इबाड
भांगरभूंय । प्रतिनिधी
मडगांवः दवर्ले पॉवर हावसा लागसार आशिल्ले इमारतींचे फाटले वटेन आशिल्ल्या व्हाळाचे राखणे वणटीचें काम करतना वेर्णेँ उद्देगीक वसणुकेक उदकाची पुरवण करपी पायपलायन फुटली. ताका लागून लाखांनी लिटर उदक व्हांवून गेलें. उदकास्रोत खात्या कडल्यान दुरुस्तीचें काम हातांत घेतलें. ही पायपलायन फुटिल्ल्यान घरगुती उदका पुरवणेचेर परिणाम जावचो ना, अशें अभियंत्यान स्पश्ट केलें.
दवर्ले उदकास्रोत खात्या कडल्यान व्हाळाची राखणे वणत बांदचे खातीर चर खणप आनी फातरांचो भराव घालपाचें काम चालू आसा. शुक्रारा सकाळीं जेसीबी वरवीं खणटना 700 मिमि पायपलायन फुटली. ताका लागून उदकाचे कारंजे उडपाक लागले. पायपलायनीचो व्हॉल्व बंद करिमेरेन लाकांनी लिटर उदक व्हाळांत व्हावून गेलें. उदकास्रोत खात्याच्या अधिकाऱ्यांनी घडणुकेचे सुवातेर येवन पळोवणी केली आनी दुरुस्तीच्या कामाक सुरवात केल्ल्याचें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
