भांगरभूंय | प्रतिनिधी
हणजूण शिंदळकी प्रकरण
पणजी: केनियांतल्या चलयांक गोंयांत हॉटेल वेवसायांत नोकरीचें हांयस दाखोवन शिंदळकी वेवसाय करपाक भाग पाडपी टोळी हणजूण पुलिसांनी 8 सप्टेंबर 2023 दिसा उजवाडा हाडिल्ली. गेस्ट हावस आनी हॉटेलांत शिंदळकी वेवसाय करपाक मेकळीक दिल्ल्यान पुलिसांनी दुबावीत दलाला सयत तिगां गेस्ट हावस आनी हॉटेल धनी तशेंच चालकां आड म्हापशेंच्या पयलो वर्ग न्यायालयांत आरोपपत्र दाखल केलां.
हणजूण पुलिसांनी ह्या प्रकरणांत एका केनियन पिडीत बायलेच्या कागाळीची दखल घेवन 8 सप्टेंबर 2023 दिसा गुन्यांव दाखल केल्लो. तातूंत तांणी मारिया डोर्कास उर्फ इस्त्रालीट आनी विल्किस्टा आचिस्टा ह्या केनियन बायल दलालांक अटक केल्ली. ह्या प्रकरणांत पुलिसांनी वागातोरा एका हॉटेलाचेर जाल्यार शिवोले एका गेस्ट हावसाचेर धाड घालून सात केनियांतल्या बायलांची सुटका केल्ली. ह्या प्रकरणांत पुलिसांनी वयल्या बायलां सयत चार्ल्स एहून आणि ओल्नपा हाचे सयत वागातोरा जॉल्ली जॉल्ली हॉटेलाचे मायओर रोमा रिसॉर्टाचे धनी सेबॅस्टियन लेझारस आल्बुकर्क आनी बामणवाडो शिवोलेच्या कॉस्मॉस गेस्ट हावसाचे धनी मायकल आल्मेदा ह्या दोगांक अटक करिनासतना तांचे आड न्यायालयांत आरोपपत्र दाखल केलां.
ह्या प्रकरणांत हवाला आनी मनी लॉड्रिंगाचो दुबाव आशिल्ल्यान ईडीन चवकशी सुरू केली. ते प्रमाण ईडीचे म्हायती वेल्यान हणजूण पुलिसांनी हणजूण्यां आनीक 13 डिसेंबर 2023 दिसा दा ऑरेन्स गेस्ट हावसाचेर धाड घालून दोन केनियन बायलांची सुटका केल्ली. ह्या प्रकरणांत पुलिसांनी मारिया डोर्कास उर्फ इस्त्रालीट आनी विल्किस्टा आचिस्टा, न्युटन मुथुरी किमानी आनी दा ऑरेन्ज गेस्ट हावसाचे धनी वेनिता फर्नांडीस हांचे आड न्यायालयांत आरोपपत्र दाखल केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
