भांगरभूंय | प्रतिनिधी
बी. जी. बुक्कम मेमोरियल सिंगल विकेट सर्त
भांगरभूंय । खेळां बतमीदार
पणजीः रणजी मुखेली दर्शन मिशाळ हाणें फायनलींत तुनीश सावकाराक हारोवन बी. जी. बुक्कम मेमोरियल सिंगल विकेट क्रिकेट सर्तीचें वस्तादपण जोडलें.
कुडचडेंच्या एसएजी मैदानार सर्तीचें आयोजन केल्लें. हे सर्तींत आघाडेच्या 16 क्रिकेट खेळगड्यांक आमंत्रीत केल्ले. दर्शनाक 25,015 रुपयांचें इमान आनी ट्रॉफी फावो जाली. तुनीश सावकाराक 15,025 आनी ट्रॉफी मेळ्ळी. तिसऱ्या नंबराचेर आशिल्ल्या दीपराज गांवकार हाका 10,025 रुपया आनी ट्रॉफी फावो जाली.
ते आदीं जीसीएचे अध्यक्ष विपूल फडके हांणी जीसीएचे सचीव रोहन गांवस देसाय आनी कुडचडेंचे आमदार निलेश काब्राल हांचे हाजिरेंत सर्तीचें उक्तावण केलें. बाळकृष्ण होडरकार हांचे हस्तुकीं मुखेल सोयरे म्हूण जीसीएचे जोडसचीव रुपेश नायक, सचीन बुक्कम, अवधूत आमोणकार हांचे हाजिरेंत इनामां भेटयलीं.
वैयक्तीक इनामां: एके ओव्हरींत सगळ्यांत चड वैयक्तीक धांवड्यो- हेरंब परब, सर्तींत सगळ्यांच चड सके- तुनीश सावकार, कुडतचडेंचो वयर सरपी खेळगडो- साईश सावंत आनी इम्रान मुल्ला, सर्तींतली उत्कृश्ट कॅच- सात्वीक नायक, सर्तींतलो उत्कृश्ट फिल्डर- पियुष यादव, सर्तींतलो उत्कृश्ट बॅटर- दर्शन मिशाळ, सर्तींतलो उत्कृश्ट बॉलर- तुनीश सावकार.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
