भांगरभूंय | प्रतिनिधी
भांगरभूंय । प्रतिनिधी
म्हापशेंः दर्या देग वाठारांतलीं बांदकामां तशेंच वेवसायांक राखण दिवपा खातीर वेगवेगळ्या संबदींत कायद्यांत दुरुस्ती करपाचें आस्वासन मुख्यमंत्री डॉ प्रमोद सावंत हाणी दिला.शार आनी नगर नियोजन, पर्यटन, पंचायत आनी दर्या देग विभाग वेवस्थापन (सीझेडएमपी) कायद्यांत दुरुस्ती करून 1991 पयलींची बांदकामां वाटावपाचो सरकाराचो विचार आसा अशें ताणी अंजुणा बोंदीर वाड्यार संकल्प यात्रा अभियान बसकेंत उलयतना सांगलें.
दर्या देग वाठारांत पारंपरीक वेवसाय करपी लोकांची हित राखण करप ही सरकाराची लागणूक आसा. ते खातीर उपाय सोदून काडपाची संबंदीत सरकारी यंत्रणेक सूचोवणी केल्या. दर्या देग वाठारांतली मालमत्तेची राखण करपा संबंदात हालींच आपणे केंद्रीय पर्यावरण मंत्री भुपेंदर यादव हांचे कडेन उलोवणी करून तांका नियंत्रणा सदळ करपाची विनवणी केल्या अशी म्हायती मुख्यमंत्र्यांनी दिली.
मुंबय उच्च न्यायालयाच्या गोंय खंडपिठान हालींच उत्तर गोयांतल्या दर्या देग वाठारांतल्या बेकायदेशीर बांदकामा विशीं हुस्को उक्तावन अंजुणे- वागातोर वाठारांतली सुमार 175 बांदकामां मोडून उडोवपाचो आदेश दिला. ते फाटभुंयेर मुख्यमंत्र्यान दिल्ल्या आस्वासनाक लागून संबंदितांक थाकाय मेळ्ळ्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
