भांगरभूंय | प्रतिनिधी
म्हापशें : दत्तवाडीच्या कामत गार्डन कॉम्प्लेक्सांतल्या एका फ्लॅटाक शॉर्ट सर्किटाक लागून उजो लागलो. हातूंत फर्नांडीस जोडपें जखमी जाल्लयाची घडणूक घडली. ह्या उज्यांत घरांतल्या कांय सामानाचें लुकसाण जालें. अचकीत लागिल्ल्या उज्याक लागून ह्या वाठारांत कांय काळ भंयाचें वातावरण निर्माण जाल्लें.
हे घडणुकेची म्हायती मेळटांच उजो पालोवपी दळाचे जवान रोखडेच घडणुके सुवातेर दाखल जाले. तांणी भितरलो सिलेंडर पयलीं भायर काडलो. उपरांत बर्याच यत्नांनी उज्याचेर नियंत्रण हाडलें. जखमी फर्नांडीस जोडप्याक उपचारा खातीर हॉस्पिटलांत दाखल केलें. सध्या ताची भलायकी स्थिर आशिल्ल्याची म्हायती मेळ्ळ्या.
मुळाव्या तपासांत शॉर्ट सर्किटाक लागून उजो लागिल्ल्याचो अदमास उक्तायला, फुडलो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
