भांगरभूंय | प्रतिनिधी
भांगरभूंय । खबरां मेज
पणजीः अजय देवगण हांची मुखेल भूमिका आशिल्ल्या ‘थँक गॉड’ ह्या सिनेमाचेर बंदी घालपाची मागणी हिंदू जनजागृती समितीन केल्या. ह्या सिनेमांत चित्रगुप्त आनी यम हांका आधुनीक स्वरुपात दाखोवन तांका विनोदी पात्रां केल्यांत. अभिव्यक्तीच्या नांवा खाला हिंदू धर्मांतल्या ह्या देवतांची टिंगल आमी सोसून घेवचे नात. धर्मीक भावना दुखोवपी ह्या सिनेमाचेर सेन्सॉर बोर्डान बंदी घालची अशें तांणी मागलां.
हिंदू धर्म शास्त्रा प्रमाण व्यक्तीक मरण आयल्या उपरांत चित्रगुप्त तांच्या पाप-पुण्याचो हिशेब करता. अजय देवगण हाका सूट- बूट घातिल्लो चित्रगुप्त म्हणून दाखयलां. हिंदू धर्मांतले एके उदात्त संकल्पनेचेर कॉमेडीच्या नांवा खाला चुकीची आनी आक्षेपार्ह पद्दतीन दाखोवन ताची टिंगल केल्या अशें जनजागृती समितीन म्हणलां.
————————————————————
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
