भांगरभूंय | प्रतिनिधी
कोटा: कोटा मंडळात त्रिवेंद्रम-हजरत निजामुद्दीन राजधानी एक्सप्रेस (१२४३१) च्या एसी कोचाक लागलो उजो. हो अपघात आयतारा सकाळीं सुमार ५.१५ वरांचेर कोटा मंडळांतल्या लुणीरीछा-विक्रमगड आलोट (मध्य प्रदेश) स्थानका मजगतीं घडली.
हो उजो ट्रेनीच्या कोच क्रमांक बी-१ क लागलो. ह्या अपघाताची म्हायती मेळटांच कोटा जंक्शनाचेर हुटर वाजपाक लागले. मजत आनी रेस्न्यू पंगड घडणुके सुवातेर पावले. वरिश्ट विभागीय वाणिज्य वेवस्थापक सौरभ जैन हांणी सांगलें, कोचांत ६८ प्रवासी आशिल्ले. सध्या कोणकूच कांयच जावंक ना.
उजो लागिल्ल्याची म्हायती गार्डान सगल्यांत पयलीं लोको पायलटाक दिल्ली. उपरांत ट्रेन थारली. प्रवाशांक भायर काडले. सुमार १५ मिनटांनी पुराय कोच रिकामी केली. कांय मिनटांनीच उजो पुराय कोचांत पातळ्ळो. सध्या उजो लागपाचें कारण समजूंक ना. ताचो तपास चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
