भांगरभूंय | प्रतिनिधी
म्हापशें: उटंगाराच्या पावसाक लागून तोर्डा साल्वादोर द मुंद हांगासरल्या रंगनाथ गोविंद नायक हांच्या घराचे फाटले वटेनची वणत कोसळ्ळी. हातूंत सुमार 50 हजारांचें लुकसाण जालां. सुदैवान नायक कुटूंब वाटावलें.
ही घडणूक मंगळारा सांजवेळा घडली. फाटले तीन दीस पडपी पावसाक लागून नायक हांच्या घराची मातयेची वणत खचली आनी कोसळ्ळी.
ह्या वेळार नायक कुटूंब घराचे फुडले वटेन आशिल्लें. ताका लागून तांकां कसलीच दुखापत जाली ना. घडणुकेची म्हायती मेळटकच पंचायत तलाठी वेरोनिका रॉड्रिगीश हांणी तशेंच थळाव्या पंच वांगड्यांनी घडणूक थळाक भेट दिवन पळोवणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
